ဓာတ်စာမဟုတ်သော အ၇ာများ

သြော် .. တောသမ ချေ .. တောသမ ချေ ...
ဇာနေ၇ာေ၇ာက်ေ၇ာက် .. အကောင်းနန့်မတန် ၊ အကောင်းနန့် မဟန် ၊ အကောင်းနန့် မတင့် စော်ရာမလားယေ ။
ယင်းတောသမချေ က ဇာသူလေ့မဟုတ် ၊ အကျွန်ပါ ၇ာ။

စစ်တွေမြို့မှာ မွီး ၊ စစ်တွေမှာ ကြီးပြင်းလာလို့ အကျွန် က စစ်တွေမြို့သူမှန်ပါယင့် ၊ ယကေလေ့  အစားအသောက် အသုံးအဆောင်ကျကေ ခေတ်မီပစ္စည်းတိနန့် ဓာတ်မတည့်စော်တိက အများကြီးပါ ။ အကျွန်နန့် ဓာတ်မတည့်ေ၇ ပစ္စည်းတိထဲက ...
နံပါတ်တစ် မတည့်ဆုံးက  Air-con ဆိုရေ လေးထောင့်ရှည်မျောမျော တစ်ခုပါ ။
အကျွန် Air-con ဒဏ်ကို မခံနိုင် ၊ ခြီဖျား လက်ဖျားတိအီးစက်ပနာ ခေါင်းကိုက်ဝေဒနာကို ခံစားရေ၇ ။ အကျွန်ကြိုက်စော် သဘာဝလီ ။ ယင်းချင့်ရှူမှ ရင်အီးေ၇။

နံပါတ်နှစ်က ... ဇိမ်ခံကားကောင်း 
အူး သီရဖို့ ၊ အဘာမှာ ၀ယ်လာယင့် ၊ အကျွန်မစီးနိုင် ၊ အကျွန်မူးပြီးကေ ထိုးအန်နီေ၇ ၊ ဇာပိုင်လုပ်ရဖို့လဲ ။ ရန်ကုန်ေ၇ာက်တေ ခါလေ. အဘယ်ချေ ကားကို စီးပြီး ဇိမ်ကျကျလားရပါယင့် ၊ အူး အန်ချင်လို့ လက်ထဲမှာ ပလတ်စတစ်အိတ်ကို အသင့်ဆောင်ထား၇ေ၇ ၊၊ Bus စီးကေ အကျွန်နိန်ကာင်းေ၇ ၊ ယကေလေ့ ရွှေဧည့်သည်ဆိုပနာ Air Con BUS စပေါ်လာေ၇ခါ အကျွန့်အတွက် ကျွမ်းထိုး မှောက်ခုံဖြစ်ချင်လောက်အောင် ခေါင်းမူးစီရေ ။ သီရဖို့မလားေ၇ ၊ ယေဇူးနန့် မြေနီကုန်းကိုလားဖို့ဆိုကေ  သဘာဝလီဝင်ေ၇ ၄၅ ကားကို ၇ာ ၇ွီးစီရေ၇ ။ ယင်းနိန့်ဆိုကေ လန်းလို့ပျော်လို့ ။ သူငယ်ချင်းက သူ့ကားကောင်းနန့် လည်ဖို့ ပတ်ဖို့လာခေါ်ေ၇ ..အကျွန်လုံးဝမစီးချင် ၊ တက်စီးရဖို့စော်ကို သီမတတ်ကြောက်တယ် ။ စင်ကာပူေ၇ာက်ပြန်ကေလေ့ ၊ ပထမဆုံး အခက်တွိ့၇စော်က Taxi ၊ အိုး သီ၇ပါဖို့ မလားေ၇ .. အကျွန် မူးပြီးကေ အန်စော် ..။ စင်ကာပူက Taxi အီးပြီးကေ ... ကောင်းလွန်းလို့ အကျွန်နန့် ဓာတ်မတည့်ပါ ။ ပထမဆုံးအလုပ်မှာ သူဌေးမက သူအလုပ်ဆင်းတိုင်း ကြုံကေ ကြုံေ၇ပိုင် အကျွန့်ကို လိုက်ပို့ေ၇ ။ အကျွန် မကြိုက် ၊ ဇာဖြစ်လို့လည်းဆိုကေ သူ့ကားကောင်းလွန်းလို့ Aircon နန့် အီးလွန်းလို့ အကျွန်မစီးချင်ပါ ။ အဂုထိလည်း စင်ကာပူမှာ အကျွန်အနီအထိုင် မကျနိုင်သိမ့် ၊ မလွဲမေ၇ှာင်သာလို့ Taxi စီး၇တိုင်း အကျွန်ခေါင်းမူးေ၇ ၊ အန်ေ၇ ။ ယင်းတွက်နန့် အဂုနောက်ပိုင်း စီးဖြစ်ကေ .. ကားသမားကို ကားပြူတင်း ဖွင့်ခိုင်း ၊ Air Con ပိတ်ခိုင်းမှ လို၇ာခရီးကို လန်းဆန်းမှုအပြည့်နန့် အကျွန် ခရီးဆက်နိုင်ပါေ၇ ။

နံပါတ်သုံး ... စပ၇ိန် မွေ့၇ာ 
လှုပ်စိလှုပ်စိ နန့် တစ်ညလုံးအိပ်မပျော်စီသော အ၇ာပါ။ အကျွန်ကြိုက်စော်က ကျောနန့်ထိလိုက်ကေ အီးချမ်းလားေ၇ ဇင်ဖျာ ( သဘောက်) ။ပြည်မှာ ကျောင်းတက်ခါက .. အဘာမိတ်ဆွေ အခင်ကျော်လှအိမ်မှာ နိန်ေ၇ခါ .. အခင်က အကျွန့်ကို ဧည့်ဝတ်ကျေလွန်းလို့ အကျွန့်မှာ ဒုက္ခေ၇ာက်တေ ။ အကောင်းစားအိပ်၇ာထည့်ပီးထားေ၇ Master Bedroom မှာ နေ၇ာချပီးေ၇ ၊ အကျွန်တစ်ညလုံးမအိပ်နိုင်ပါ ။ ကျောကုန်း အောင့်ေ၇ ၊ ခေါင်းမူးေ၇ ယင်းမွေ့၇ာကြောင့် ။ အလှပလှ တောသမချေပါ ။ ယေဇူးနန့် နောက်ရက်တိမှာ ကြမ်းမှာ ဖျာခင်းပနာ ဆင်းအိပ်တေ ။ အိပ်ကောင်းလိုက်တေပင် ။

နံပါတ်လေး ... ဟိုတယ် အစားအစာ
တိုက်ဆိုင်မှုတော့မဟုတ်ပါ ။ ဟိုတယ်စာကို စားပြီးပြန်လာတိုင်း အကျွန်တစ်ယောက် ပျို့ချင်ေ၇ ၊ အန်ချင်ေ၇ ၊ အစာမကြေ ၊ အိမ်ေ၇ာက်ကေ ထိုးအန်လိုက်မှ နိန်ကောင်းလားေ၇ ၊ အိုး ၊ အကျွန် ဇာပိုင်လုပ်ရဖို့ ။

နံပါတ်ငါး ... ကြေးအိုးဆိုသော အစားအစာ
စားမိတိုင်း ခေါင်းကိုက်လာေ၇၊ အန်ချင်ေ၇ ၊ ယင်းအစာထဲမှာ ဇာပါလို့လဲ အကျွန်မသိပါ ။ လူတော်တော်များများ ပါးစပ်ဖျားမှာ တောင့်တကတ်တေ ဒေကြေးအိုး ဆိုသောအ၇ာသည် အကျွန့်အတွက်တော့ ကျွမ်းထိုးကောင်ပိုင် ခံစား၇စီသော အကြောက်ဆုံးအစာပါ။

နံပါတ်ခြောက် ... စင်ကာပူက အိမ်သာ 
၇ီမသုံး၇ ၊ တစ်ရှူးတော့၇ှိပါယင့် လေ၊ ယကေလေ့ ဇာပိုင်ပြင်လို့ စိတ်သန့်နိုင်ပါဖို့လဲ ၊ အကျွန့်အတွက် ကောင်းဆိုးေ၇ဒုက္ခတစ်မျိုးပါ။ အိမ်ပြန်ေ၇ာက်မှ အိမ်က အိမ်သာမှာ Hand Spray ပါလို့ ၇ီသုံးရေ၇ ။ အဂု အလုပ်သစ်မှာတော့ အဆင်ပြေေ၇လို့ဆိုရပါဖို့ ၊ အိမ်သာမှာ  ၇ီသုံးလို့၇ေ၇ ။ ယင်းချင့်လည်း ရှား၇ှားပါးပါး ၂ ခုတည်း ၊ ကျန်ေ၇ toilet တိုင်းက ရီသုံးလို့မ၇ ။ အိုး အသန့်ကြိုက်တေ စင်ကာပူနိုင်ငံသားဆိုပနာ ၊ အညစ်အကြေးစွန့်ေ၇နေ၇ာမှာကျကေ ၇ီနန့်မသန့်၇ှင်းကတ် ။ အံ့သြဘနန်း တိ၇ာမလား ။



( ဆက်ရန် ... )


ကြယ်စင်ဝိုင်း
27/12/11
3:06 pm